السلف تلف والرد خسارة

لما من خمس سنين عرضوا عليا فى الشغل يخلوا المرتب يتحول على حساب بنكى ومن مميزاته ان يكون لى كارت ائتمان اسحب بيه مبالغ تصل الى ضعفين مرتبى…انا حسيتها فرصة كويسة…وده بما انى بموت فى الشوبنج واكيد ان يبقى لى حد زايد عن مرتبى ده شىء جميل ،وعدى الوقت وتقريباً معظم الشركات عملت النظام ده…نظام تحويل المرتب على حساب بنكى…

يمكن كتير كان عندهم كروت ائتمان من قبل كده بس يمكن دول وضعهم المادى اكثر استقراراً من الموظفين العاديين ويمكن كمان يكونوا على دراية كافية بمعنى استخدام كروت الإئتمان…بس ده مش حال باقى الناس اللى بقى عندها كروت حسستهم ان الدنيا جميلة والفلوس كترت وابتدوا يصرفوا ويستخدموا الكروت فترة قبل ما يحسوا بمشاكلها…

أول المشاكل وأهمها من وجهة نظرى ان الكارت بيفتحلك مجال انك تشترى حاجات انت متقدرش عليها…يعنى لو دخلك الفين جنيه الكارت بيديك حد للصرف الى اربع الاف جنيه…كل جنيه بتصرفه فوق مبلغ دخلك الحقيقى هو جنيه انت استلفته من البنك وبيدفعك فوائد على سلفتك دى…

نيجى هنا بقى ونفتكر المثل الشعبى العبقرى: اللى ممعهوش ميلزموش…والمثل ده ينطبق على حاجات كتير غير موضوعنا بس مش حتفلسف دلوقتى

ويجى وقت السداد ونتصرف ونسدد المبلغ + الفوائد ونقوال حرمنا ويعدى كام يوم ويتكرر الحال ببساطة لان احتياجات الانسان مبتخلصش وطول ما فيه باب سهل للسلف الناس حتستخدمه

فى جانب يهم ناس كتير وهو جانب الحلال والحرام بس بصراحة انا مش عايزة اتناقش فيه لان الموضوح واضح ومفيهوش لبس ويتوقف على كل واحد عايز يشوفه ازاى…ولما الدين بيجى فى موضوع بيبقى التزامك بأى تصرف هو إختيار شخصى بحت…مهما قال الدين او الناس.

مين المستفيد من قصة الائتمان؟ لا مش احنا…البنوك

إيه الحل…اذا فارقة معاك انك تشيل كارت بدل ما تحط فلوس فى محفظتك…قلل الحد الإئتمانى لما يناسب دخلك الحقيقى عشان لما تصرف تبقى بتصرف من فلوسك من غير لا فوايد ولا مشاكل السداد…

منه حنقلل استهلاك لحاجات مش ضرورية ومنه حنوفر الفوايد اللى اكيد احنا أولى بيها

طيب حنقول ان نظام الكروت الإئتمانية معمول بيها فى العالم من زمان جداً حقولك آه بس آخرتها كانت ايه؟؟ فى امريكا مثلاً…الإئتمان هو السبب الرئيسى فى الازمة المالية اللى اتدمر الاقتصاد فيها…مئات ملايين الناس بتشترى حاجات من فلوس متملكهاش وبعد فترة تكتشف ان عليها فوائد بلغت اضعاف المبلغ اللى استلفوه ومحدش عارف يسدد فكله انهار

شوية ذكاء اقتصادى عمره ما حيضر والحياة مش استهلاك اشياء بتفقد قيمتها بعد دقائق من شرائنا ليها…وبما انى عاملة زى جدتى دلوقتى فايه رأيكوا فى شوية الامثال الجامدة دى

وصباح الفُل 🙂

Advertisements

4 thoughts on “السلف تلف والرد خسارة

  1. and you write in arabic too, talented ms. sunshine!
    credit cards are for spending not for saving, that’s my opinion but i respect yours as well 😉
    keep the wheels rollin 🙂

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s