المَحْزوقات

حَزَقَ الشىء..أى حاول إخراجه دفعاً الى الخارج بصعوبة

الشىء بقى اللى بيتحزق هو المحزوق…وجمع الشىء : أشياء …وجمع المحزوق: محزوقات

الحزق شىء طبيعى فى حياتنا…قد نحزق أشياء سيئة نود التخلص منها لنبرأ من ضررها زى “االكى كى” مثلاً…وقد نحزق أشياء جيدة “كالطفل الوليد” مثلاً لتنتهى فترة إعداده داخلياً وتبدأ حياته الفعلية

إنما مجازاً وفى الحياة اليومية الواحد بيمر بده أو بيشوف آخرين بيمروا بيه…أنا هنا أقصد التشبيه ومش بتكلم على زيارة الحمام

قد تحزقك فكرة جديدة فى العمل وتبقى مش عارف تقعد على بعضك عشان نفسك تطلع الفكرة ومديرك يوافق عليها فترتاح وتحس انك انجزت حاجة

وقد يحزقك رأى منيل فى حد او غيظ منه فتقعد ” تنفس”  يمين وشمال بالتلميح والتصريح تمهيداً للحزقة الكبرى

وانا رأى ان لو حزقك اوى انك شايف نفسك “هايل” وشايف غيرك “خرى” وعايز تنطره…بسيطة من غير حزق وحرق دم وتلطيش…اعتبر انه جه قالك” انا خرى يا هايل” وبس…لكن تلسن عليه من ناحية وتقوله يا روح قلبى من الناحية التانية يحولك من حازق الى محزوق..

مشكلة المحزوقين فى محزوقاتهم انهم شايلين هم صك الغفران على طول

وانا ست لطيفة احب الناس تبقى حسه لطيف زى…لذا ، انا بقدم النهاردة عرض خاص…عندى عشرين صك غفران…اى حد عايز صك مكتوب فيه بخط بولد أندلسى مقاس 16: انت هايل يلا…وفلان:……خرى

أى نعم الصك مش حيمحى بلاويك ولا حيأكد بلاوى الناس اللى حزقاك انما مريح…حيريحك من الحزقة

بس بجد بقى اللى حاسس انه بيحزق كتير وعمال على بطال لازم يشوف علاج…لان الحزق المزمن ده يدل على مرض عضال…بينفخ الذات اوى فى الاتجاه الغلط…انا عارفة ان معظم المحزوقين بيبقى عندهم كبر متضخم وغالباً ده سبب حزقتهم….

أما عن المحزوقات الكويسة…الكلمات اللى فيها حب…الافكار المشجعة…النيات اللى فيها مصلحة الغير…دى بتبقى حالة لازملها ملين بسيط للشجاعة…الحب والتشجيع والمصلحة لازم تبقى حاجات سهلة التعامل معاها…لازم تخرج للنور…زى البيبى كده…لازم يتولد عشان يعيش ويسعد اهله ويفيد الدنيا بخيره

إذا…حكمة اليوم: محزوق؟ خُد مُلين

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s